Dao, Capiz – Gina-imbestigahan na sang mga kapulisan sa banwa sang Dao ang gina-alegar pagsulod sang mga kawatan sa poluy-an sang isa ka OFW alas 6:00 sang aga sa Barangay Quinayuya, Dao, Capiz.
Naglab-ot sa P50, 000 pesos nga cash nga nabutang sa bag ang gintaban sang mga wala pa makilala nga suspek sa biktima nga si Tomas Rufino y Paitone, 32-anyos isa ka OFW kag residente sang nasambitan nga barangay.
Base sa pagpa-record sang biktima sa mga kapulisan, nakuha man sang kawatan ang tatlo ka ATM cards sa diin may unod nga kantidad nga ginabanta P1,500,000.00, G-Shock nga relo, gold nga singsing, kulintas nga ginabanta P80, 000 pesos.
Nakuha man ang wallet sini nga may unod nga dolyar kag mga IDs. Nahibaluan sa imbestigasyon sang mga kapulisan, nag-agi ang wala matumod nga kawatan sa bintana.
*(photo from web)*
