Kawatan nasikop sa kapulisan

28

Dali nga miresponde ang kapulisan sa lungsod sa Siayan human kini nakadawat ug usa ka tawag gikan sa membro sa Barangay intelligence network nga naka base sa brgy. Gunyan.

Paghidangat sa mga kapulisan sa Sitio New Siari, Brgy. Gunyan sakop sa maong lungsod ilang nasapon si Jhonnivie Gumactang y Sinlatan, nagpuyo sa maong lungsod lugar. Ang maong suspek aduna kini tanggong nga warrant of arrest gikan sa hawanan ni Hon. Reymar L. Lacaya-Presiding Judge, RTC Branch 11, Sindangan, Z.N. dated October 25, 2017.

Ang kaso nga giatubang sa suspek may kalabutan sa pagpangawat, samtang ang korte nag rekomendar sa pyansa nga mo balor sa kantidad nga 26,000mil alang sa iyang temporaryong kagawasan.

Sa pagkakaron pormal na nga gipasakaan ug kaso ang suspetsado human sa gihimong pag imbistiga.

Facebook Comments