Kawatan sikop human nasapon sa akto

Sindangan-Prisohan karon ang gidangatan sa usa ka kawatan human kini nasikop sa mga tinugyanan sa balaod didto sa lungsod sa Sindangan sakop ning atong probinsya sa Zamboanga del norte dili palang dugay mga 1:20PM.

Tungod sa maong panghitabo dali nga miresponde ang personahe sa Sindangan MPS sa pagpanguna ni PO3 Felix C. Isaw didto sa IC Hope Gen. Merchandise nga anaa nahimutang sa Pob. Sindangan.

Subay sa report sa kapulisan naila ang suspek nga si Widzna Innong Villena, 35 anyos, molupyo sa Flamingo Village, Upper Calarian, Zamboanga City nga kung diin matod p,a nasapon kini sa akto sa usa ka trabahante nga si Jethel Linogon Caber ang pagsulod sa Sling bag ni Widzna sa duha ka karton nga Anmum Milk.


Sa paghidangat sa mga pulis nakumpiska ang duha ka karton sa gatas lakip na ang usa ka Cherry Mobile nga cellphone kolor puti.

Dugang pa, mga als 2:00PM mitaho usab si Marylove Angohoy Villaluna, 21, nga taga brgy. Domalogdog sakop sa maong lungsod ngadto sa buhatan sa kapulisan human nawagtang ang iyang cellphone sulod mismo sa maong tindahan.

Positibo usab nga giila sa biktima ang cellphone nga nakuha sa posisyon ni Widzna.

Sa pagkakaron pormal na nga gipasakaan ug kaso si Widzna may kalabot sa salaod nga iyang nabuhat.

Facebook Comments