General Santos City—Igo nalang sa pagpatala sa buhatan sa Police Station ang usa ka Marlon Lumanta, legal age, nga taga Purok Mapailubon, Barangay San Isidro, Gensan human nga gikawat saw ala pa mailhing suspek ang motorsiklo niini nga iya lang giparking gawas sa ilang panimalay.
Alas 7:00 ang takna sa buntag, kagahapong adlawa dihang iyang nadiskobrehan ang pagkawagtang sa iyang motorsiklo.
Subay sa sumbong sa biktima ngadto sa kapulisan nga Martes sa gabie dihang iyang gibilin gawas sa ilang balay ang iyang motorsiklo nga usa ka Rusi 150 nga nagtangag ug plate number 4379 kolor grey.
Pagkabuntag nakuratan nalang ang nasangpit dihang wala na ang iyangt motor. Iya pang gisuwayan ug pangita apan wala na gyud niya kini nakaplagan. Sa karon padayon ang imbistigasyon sa kapulisan kalabutan sa insidenti.
