Dimataling, Zambaoanga del Sur – Narekober sa otoridad ang kinahon nga mga smuggle nga sigarelyo nga gi-abandona sa kilid sa kalsada sa duha ka lungsod niining probinsya kagahapong adlawa.
Atol sa mobile patrol sa kapulisan sa coastal sa Barangay Sumpot sa lungsod sa Dimataling ilang napalgan ang kadudahang kahon nga gibilin sa kalsada ug dihang ilang gisuta nadiskobrehan ang (18) ka reams sa mga smuggle nga segarilyo nga gibana-bana nga mokantidad sa 4,500.
Laing abandonado nga kahon usab ang napalgan sa kilid sa Highway sa Purok 6, Betinan, San Miguel, Zamboanga del Sur.
Ang 20 ka reams sa nagkalain-laing matang sa sigarelyo nga mokantidad saP6, 500 ang gibiyaan lang sa maong dapit.
Ang nahisgutang mga kontrabando anaa na karon sa mga kamot sa otoridad alang sa tukmang dokumentasyon.
