Kingdom Gospel Investment scam sa Tagum gi-ronda, 22 ka staff arestado

182

Tagum City – Mokabat sa 100 ka tawo o giingon ‘pledgers’ ang naaktuhan sa Tagum City Police Office (TCPO) atol sa ilang pag-raid sa Kingdom Gospel International Tribal Common Wealth Kingdom Ministry Inc. sa Pioneer Avenue, Tagum City, Davao del Norte kagahapon sa hapon (Mayo 26, 2021).

Sa interbyu sa DXDC RMN Davao kang Police Major Joselito L. Tan, Chief of Police sa Tagum City PNP gibutyag niini usa ka complainant ang mi-report kanila nga aduna kini gi-pledge nga kwarta sa Kingdom Gospel nga giingong affiliated sa Kabus Padatoon (KAPA) apan hangtud karon wala pay nabalik kaniya.


“Actually, naa ‘mi complainant, nag-report sa amoa nga nag pledge kuno siya og kwarta last week, Friday and then until now wala daw siya nakakuha’g kwarta. Ang ingon daw sa Kingdom Gospel, kanang nag pay-in og KAPA dati, mag pledge ka og 10% para makuha nimo imohang kapital,” saysay ni Tan.

Atol sa pagronda sa Tagum City PNP uban ang Davao del Norte Provincial Police Office ug Criminal Investigation and Detection Group (CIDG)-Tagum, anaa sa 22 ka personahe sa Kingdom Gospel ang naaresto nga gilangkuban sa tulo (3) ka pastor, duha (2) ka security guards ug 17 ka mga staff.

Nakuha sa opisina ang mga ebidensya nga gitawag nga pledge money nga anaa sa kapin P60,000, computer set, resibo sa pagdawat sa kwarta ug claim stubs.

Gibutyag ni Tan, kapin 500 na katawo ang miadto sa opisina kagahapong adlawa apil na ang ilang naaktohang 100 ka pledgers nga naglaum nga mabalik ang ilang gi-invest nga kwarta sa KAPA.



Niadto pang Abril 16, 2021 nagsugod ang Kingdom Gospel sa Tagum hangtud nga aduna nay pormal nga mireklamo sa naasoy nga investment scam sa lugar.


RadyoMaN Kirby Manzon

Facebook Comments