KITE FLYING NO MORE | Pagpalupad sang burador, drones kag iban pa malapit sa Roxas City Airport, ginabawal!

34

Roxas City, Capiz- Hugot na nga ginabawal sang Civil Aviation Authority of the Philippines ukon CAAP ang pagpalupad sang burador sa mga barangay nga malapit sa Roxas City Airport. Suno kay CAAP Air Traffic Management kag Public Information Officer Mr. Arjay C. Villarde, ini ang ginalakipan sang Barangay Baybay, Dumolog, Gabuan, Banica, Mongpong, Inzo Arnaldo kag iban pa. Suno kay Villarde, sakop man sang amo nga mando ang pagbawal sa pagpalupad sang mga drones, captive balloons kag iban pa nga kasubong nga sahe sang mga devices nga wala sang pahanugot nagikan sa CAAP. Katuyoan sini nga mapahilayo sa disgrasya ang mga nagalanding ukon nagatake-off nga mga eroplano sa Roxas City Airport. Nahibaluan nga base sa City Ordinance No.59 series of 1996, may yara lamang sang multa nga indi magsobra sa 50 pesos ukon pagkapreso sang indi magsobra sa 30 ka adlaw ang sin-o man nga madakpan nga nagabayolar sa amo nga ordinansa. tags:Visayas,Roxas,DYVR,DYVR657,Capiz,CAAP,

Facebook Comments