Klase sa mga tunghaan sa pipila ka barangay ning syudad, gikansela tungod sa kusog nga ulan

Gikansela sa pipila ka tunghaan ning syudad ang ilang klase sa tanang level niadtong Huwebes tungod sa kusog nga pag-ulan nga mugna ni bagyong Ompong.

 

Kini naglakip na sa mga tunghaan sa Barangay Balubal, Cugman, City High School, Lapasan, Patag, Carmen, Pagatpat, Malasag ug Canitoan ning syudad, samtang padayon usab nga gikansela kagahapong adlawa ang klase sa tanang level sa Barangay Balubal.

 

Gikabutyag nga ang maong lakang maoy nasabotan tali sa City Risk Reduction and Management Department ug ubang ahensya  isip kabahin sa pagpangandam sa epekto ni Bagyong Ompong ning syudad.


 

Dugang pa ni CDRRMD head Allan Porcadilla nga base sa nasabotan atol sa pre-disaster risk assessment meeting ubos sa Executive Order 66 nga dili na kinahanglang modeklarar ang mayor nga walay klase kung ugaling makitang peligro ang palibot tungod sa bagyo.

Facebook Comments