Koko Nograles: Kwestiyonable ang matang sa hustisya nga gipatuman sa CHR

Davao City-Kwestiyonable alang kang PBA Partylist Congressman Jericho “Koko” Nograles ang matang sa hustisya nga gipatuman sa Commission Human on Rights diha sa paglutos sa mga tawo o sa mga grupo nga mipa-sipala sa katungod sa matag usa.

Masabtan nga ang gipunto ni Congressman Koko mao ang pagpihig sa hustisya sa CHR ngadto sa mga sundalo ug pulis nga gipatay sa mga kalaban sa estado.

Apan abtik pa sa mga nangamatay si CHR commissioner Chito Gascon sa pangimbistigar sa mga sundalo ug pulis nga nakiggiyera sa teroristang Maute group sa Marawi City ug sa mga New People’s Army nga mipatay kanila.


Tungod niini, daw gidepensahan sa bagitong magbabalaod si House Speaker Pantaleon Alvarez dihang nagbahad kini nga tanggalan og pondo ang CHR aron mahigmata sila sa ilang padayon nga paggamit sa mga kritiko sa administrasyong Duterte.

Pero daw kilat nga gitin-aw dayon ni Congressman Koko ang buot ipasabot ni Speaker Alvarez nga wad-an og pondo ang CHR.
Matud niya, ang gipasabot sa pangulo sa kongreso mao nga ang tanggalon lang nga budget ang pundo sa maintenance, contractual, job order, pagtukod og bag-ong gambalay, ug uban pa nga operating expenses.

Sa laktod nga pagkasulti, dili totally matanggalan og pondo ang CHR sanglit ang bahad ni Speaker Alvarez tataw kaayo nagtumbok lang sa nasangpit nga hisgutanan ug dili sa personal services ug adunay gahom ang kongreso sa paghimo niini, dugang ni Nograles.

Nagsumikad ang panganti ni Speaker Alvarez sa CHR human namatikdan niini nga daw nagamit ug nag-pagamit sa kontra sa gobyerno ang ahensiya ug daw nahimong tigpanalipod sa mga kriminal kay ginalu-tos ang mga sundalo ug mga pulis nga igo lang naghimo og sa ilang trabaho.

Ug ugali mapamatud-an sa mga magbabalaod nga tinood ang pagtoo sa ilang labaw hayan mupabor ang kadaghanan nga tanggalan og pondo ang CHR.

Apan nagdumili una sa pagkomento si Congressman Koko Nograles kung angay ba gyud pihigan sa budget ang CHR kay sayo pa aron hukman ang naasoy nga buhatan.
Human napalig-on ang 1987 Philippine Constitution gilayon gilagdaan ni kanhing Presidente Corazon Aquino ang kamugnaan sa Commission on Human Rights hulip sa gibungkag nga Presidential Committee on Human Rights.

Ingon sa balaod, ang CHR ikunsidara nga independent body nga dili puwede gawngan bisan ang pangulo walay kontrol kanila diin ang pinakatahas mao ang pagimbistiga sa tanang matang sa paglapas sa taw –hanong katungod, manguna sa pagprotekta, ug pagrespeto sa katungod sa katawhan ug apil na ang civil ug politikanhong katungod.

Sanglit pinasikad man sa balaod ang kamugnaan sa CHR, ang charter change ra sab puwede maka-bungkag sa ahensiya ug wala nay lain pa, panapos nga pamahayag ni PBA Partylist Congressman Jericho Koko Nograles.

Kasamang Joel Viray

Facebook Comments