BACOLOD CITY – Nagpadulong man sa istasyon sang pulis ang isa ka kolektor agud ipa record nga nadula ang iya collection nga kwarta nga nagdangat sa masobra P80,000 pesos kahapon sang hapon sa sulod sang Plaza Mart sa Bacolod Downtown area.
Nakilala ang complainant nga si Matthew Albert Cruz, 28 anyos ang edad, kasado kag pumuluyo sang Purok Sambag, Brgy. Estefania, Bacolod City.
Ang biktima ang isa ka Sales Collector sang Bahamas Meat Shop.
Suno sa iya nga may mga las 3 kahapon sang hapon ( August 7 ) ini siya ang nagpadulong sa 3rd floor sang Plaza Mart.
Pahayag sang biktima nga daku ang iya kakibot nga sang iya ginlantaw ang dala niya nga kapin sa P82,300 pesos nga collection nga nasulod sa isa ka sling bang, ini ang wala ukon nadula na.
Ginpahayag sang collector nga gintinguhaan pa niya nga pangitaon ang kwarta, apang wala gid niya ini nakita.
Bangud sini, nagpadulong na lamang sa Police Station 1 ang biktima agud magpa-record./dyHB BACOLOD
