Pagadian City – Mamahimo ang makasulod-gawas sa syudad sa Pagadian ang fully vaccinated individuals o mga indibidwal nga hingpit nang nabakunahan batok sa covid-19 bisan og walay e-presenta nga negatibo nga resulta sa RT-PCR Test.
Kini ang gi-anunsyo sa Pagadian City Emergency Operations Center agig pagsunod sa resolusyon nga gipagula sa National IATF Resolution Number 124-B busa gipalig-on kini sa pinaagi sa EOC Guidelines nga pinirmahan sa mayor sa syudad.
Kun dunay ipresentar nga vaccination card nga gikan sa Local Vaccination Operations Center o sertipiko nga nabakunahan nga gipagula sa Bureau of Quarantine makasulod ug gawas na sila sa syudad.
Sa gilatid nga tamdanan, ang mga indibidwal nga nakadawat na sa ikaduhang dose sa bakuna subra duha ka semana ug ang nakadawat sa unang dose duha ka semana ang nakalabay dili na kanahanglan mopakita sa negative RT-PCR Test Result.
Apan dili kini aplekado sa mga senior citizen kay naapaman sa MECQ ang tibook syudad.
