Kongresista, maghahain ng panukala para bigyan ng special powers si Pangulong Duterte para sa pagpapabilis sa mga build, build, build projects

464

Isinusulong ni Albay Rep. Joey Salceda ang pagbibigay ng “special powers” kay Pangulong Duterte para mapabilis ang mga itinatayong proyekto at imprastraktura sa ilalim ng build build build projects.

 

Paliwanag ni Salceda, wala itong pinagkaiba sa emergency powers pero tinawag niya na lamang itong special powers dahil wala naman daw umiiral na emergency sa bansa.


 

Sa ilalim ng special powers ay mapagkakalooban si Pangulong Duterte ng kapangyarihan na mapabilis ang mga build build build projects.

 

Karaniwan aniyang nagiging mabagal ang mga proyekto dahil sa procurement process at problema sa right of way lalo na sa mga pribadong lugar o subdivisions.

 

Aminado ang mambabatas na mabagal ang implementasyon ng mga proyekto pero hindi naman bigo ang BBB projects tulad ng sinasabi ni Senator Franklin Drilon.

Facebook Comments

From Advertisers