Konplikto sa duta motibo sa pagtiro sa isa ka mangunguma nga nagapanyaga sa Sipalay

SIPALAY CITY, NEGROS OCCIDENTAL – Komplikto sa duta ang ginalantaw karon nga motibo sang mga utoridad sa natabo nga pagtiro sa isa ka biktima kahapon sang hapon sa Brgy. Camindangan, Sipalay City.

Suno sa Sipalay City Police Station, may suspek na sila nga ginasundan sa pagtiro sa biktima nga si Rommel Apatan, 37 anyos, isa ka mangunguma may mga las 2:50 kahapon sang hapon sa iya balay sa Sitio Cagay sa amo nga barangay.

Ginpahayag nga naga preparar na kuntani nga magpanyaga ang biktima sang ini ang gintiro sang suspek.


Siling sang pulis nga ang posible nga motibo amo ang ginaagawan nga duta kon diin nagapatigayon sang iya pag-kaingin ang biktima.

Na-recover sa scene of the crime ang basiyo nga bala sang calibre .45 nga pistola nga amo ang gin-gamit sa pagtiro sa biktima nga padayon karon ginabulong sa ospital./dyHB BACOLOD

Facebook Comments