Konsehal Gacal, nasurpresa sa kalit nga pagbalhin ni Col. Lagradante

24

General Santos City—Nasorpresa si City Councilor Atty. Jeng Gacal sa kalit kalit nga paghawa ni City PNP Director Police Colonel Aden Lagradante sa Gensan gumikan kay wala nakaabot ug duha ka tuig ang opisyal sa iyang serbisyo nga dapat unta duha ka tuig ang full duty niini ug wala usab nasayod ang opisyal sa rason sa kalit nga pagbiya niini.
Gipasalamatan na lamang ni Gacal si Col. Lagradante tungod sa nahatag niining tabang sa Gensan hilabina sa maayo niining mga programa sa kapulisan ug naglaom ang opisyal nga sa umaabot nga panahon makabalik pa sa Gensan si Col. Lagradante.
Nanghinaot usab si Kagawad Gacal nga si kinsa mang muholip kang Lagradante nga unta mapadayon niini ang nasugdan nga mga maayong programa sa kapulisan sa Gensan ug ang maayong koordinasyon sa mga opisyal ug sa katawhan ug ang pagsulbad sa mga nagakahitabong patay sa nga hinimoan sagad sa mga riding in tandem criminal nga maoy nag-unang problema sa syudad.(RV)


Facebook Comments