Nag-meeting karong adlawa ang konseho sa Barangay Macabalan aron nga makapagawas og pondo.
Matud ni Barangay Kapitan Norbel Saa nga ila usab paningkamotan nga mahangyo sa konseho nga madeklarang calamity area ang portion sa Macabalan aron nga mapagawas ang pondo sa kalamidad.
Dugang pa ni Kapitan Saa nga dako usab ang pasalamat niini sa RMN-DXCC sa tabang ug suporta nga gihatag niini alang sa mga biktima sa sunog.
Samtang sobra na sa 30 ka tuig nga nagpuyo sa Mulmac, Macabalan ang mga apektadong pamilya.
Matud ni Kapitan Saa nga tinuod nga pi-ot ang maong area tungod kay duol niini ang panginabuhian sa mga residente.
Dugang pa ni Kapitan Saa nga naglaom usab siya nga ma-relocate ang ubang pamilya nga nagpuyo sa lugar, ilabi na kadtong nagpuyo sa usa ka balay apan daghan ang sakop.
