Konsulta Benefit Package sa Philhealth, gipasabot ngadto sa mga miyembro

Gipasabot karon sa Philippine Health Insurance Corporation (Philhealth) ang bag-ohay lang na-implementar nga programa nga mao ang “Konsulta Benefit Package”.

Sa interview sa RMN Malaybalay ngadto kang Merlyn Ybañez, Public Affairs Office, Chief sa PhilHealth Region-X, gibutyag niya nga sa milabayng tuig, 2022 gisugdan nila og implementar ang “Konsulta Benefit Package”.

Dinhi sumala pa adunay mga konsulta provider nga gipartner sa buhatan kung asa muadto ang mga miyembro sa programa aron nga malibre ang ilang mga laboratory test.

Aduna matud pay 13 ka mga laboratory test ang malibre sa maong programa ayha ipaga-refer sa mga balay-tambalanan kung gikinahanglan.

Ang mga gusto nga magpa-miyembro mamahimo lang matud pang pagabuhaton kini online o di ba kaha muadto sa opisina sa Philhealth aron nga personal nga matabangan sa mga empleyado.

Dugang pa nga ubay-ubay na nga mga konsulta provider ang napartner sa buhatan ilabi na diri sa probinsya sa Bukidnon maong importante gayud nga makapa-miyembro ang katawhan niini aron nga malibre usab ang ilang mga laboratory tests.

Facebook Comments