Sinampahan ng reklamong graft at malversation sa Malolos RTC ang kontratistang sina Curlee at Sarah Discaya ng St. Timothy Construction Corp at ilang opisyal ng
DPWH-Bulacan 1st District Engineering Office kaugnay ng maanomalyang flood control project sa Bulacan.
Ayon kay Assistant Ombudsman Mico Clavano, kabilang sa inireklamo ang ilang opisyal ng DPWH-Bulacan 1st District Engineering Office na sina:
Merg Jaron Caparas Laus
Brice Ericson Diaz Hernandez
Jaypee De Leon Mendoza
Ernesto Cosay Galang
Norberto De Leon Santos
Lorenzo Alcoriza Pagtalunan
Juanito Coronel Mendoza
Floralyn Yutuc Simbulan
Dawit din sa reklamo si Ma. Roma Angeline D. Rimando ng St. Timothy Construction Corporation.
May kaugnayan ito sa Php 54-M na rehabilitasyon ng river protection structure sa Barangay Bulusan, Calumpit, Bulacan.
Si Sarah” Discaya ay nakadetine sa female dormitory sa Lapu-Lapu City Jail sa Mactan, Cebu dahil sa kasong kinakaharap kaugnay ng 96.5-M na ghost” flood control project sa Davao Occidental habang si Curlee Discaya ay nakadetine sa Senado simula noong September 2025 matapos ma-cite in contempt ng Senate Blue Ribbon Committee.
Inirekomenda ng Ombudsman ang P90,000 na piyansa sa bawat akusado sa graft case habang walang inirekomendang piyansa para sa malversation case.
Hindi naman na isinama sina dating District Engineer Henry Alcantara at dating Project Engineer Paul Jason Duya sa mga kinasuhan dahil pumayag na silang maging testigo.
