Kontribusyon ha PhilHealth mahitaas tinikangan Enero 2018

TACLOBAN CITY – Tinikangan Enero 2018 sunod nga tuig mahitaas an PhilHealth Premium contributions para hiton mga empleyado o may trabaho ini an gin anunsyo han Philippine Health Insurance Corporation o kun PhilHeath.

Sumala han ahensya, ini para mas masustinar an National Health Insurance Program o kun NHIP han tagsa-tagsa.

2.75% an kaltas ha kada sweldo han mga empleyado.


Ha Press conference, sumala kan Israel Francis Pargas, Namamangulo han Corporate Affairs han PhilHeath, an Pilipinas la gihap an may hamubo nga sukot han premium contributions pag-abot ha katalwasan han panlawas.

“Para patuloy na maibigya natin ang lahat ng benipisyo na ito, ang ating premium adjustment is very low. Tayo pa rin po ang may pinakamababa na premium o Prema in all other Security agencies. Kahit po sa ibang bansa, tayo pa rin ang may pinakamababa na premium .”

Kun an iyo Monthly Basic Salary in aada ha P10, 000 paubos an iyo monthly premium in magiging P275.00. P137.50 an Personal share ngan P137.50 liwat an Employer share.

Kun an iyo Monthy Basic Salary naman in aada ha P10,000 tubtob P39,999, P275.02 tubtob P1,099 an monthly premium. An Personal share in aada ha P137.51 tubtob P549.99, an Employer share naman in ansya gihapon.

Kun P40,000 pa igbaw an iyo Monthly Basic Salary, P1,100 an Monthly premium. P550.00 an Personal share ngan ansya gihapon ha Employer share.

Pagklaro naman han opisyal ngadto ha mga 4P’s benifeciaries nga an Department of Social Welfare and Development o kun DSWD an magbabayad han ira kontribusyon ha PhilHeath.

Facebook Comments