Koreano nga nagpakuno-kunong gin kidnap, naka piyansa matapos pasakaan it kaso

30

Kalibo, Aklan – Natigayon nga makapiyansa it P 3,000 rong sangka Korean national matapos nga pasakaan it kasong Unjust Vexation tag raya hay magpakuno-kunong naha kidnap.
Si Yoo Jin-Woon, 38-anyos ag temporaryo nga naga istar sa Brgy. Camanci, Norte, Numancia, Aklan hay ginpasakaan it kaso sa Provincial Prosecutor’s Office ko PNP Anti-Kidnapping Unit-Western Visayas matapos nga mag imbento it istorya nga imaw hay ginkidnap ag nagapangayo it kwarta nga P 250,000 bilang ransom money sa anang ginikanan sa South Korea pinaagi sa pagpadaea it picture nga imaw naka gapos.
Natigayon nga masayuran it PNP Anti kidnapping Unit-Western Visayas rong hitabo matapos nga mabaton rong report it Korean Embassy.
Insigida nga gin imbestigahan ro nasambit nga reklamo ag ko ulihi hay nakita ro gina istaran ni Woo ag natukiban nga ro anang reklamo hay bukon it matuod kundi nahimo eamang nana raya para nga makapangayo it kwarta sa anang ginikanan.

Facebook Comments

From Advertisers