Koronadal, GCQ na sugod karong adlawa hangtud sa Setyembre 30

14

Koronadal City– Epektibo karong adlawa, Setyembre 26 hangtud na sa Setyembre 30 karong tuiga, gibutang na ang Koronadal City ngadto sa General Community Quarantine, kini subay na usab sa gipagula nga Executive Order 87 ni City Mayor Eliordo Ogena.

Sa maong Executive Order gitanggal na ang No Movement sa adlaw nga dominggo, ug wala na usay limitasyon sa mga munisipyo nga magsulod sa maong syudad. Lakip usab sa nakalatid sa EO sa Mayor mao ang pagtanggal sa clustering sa matag barangay, buot pasabot niini, dili na kinahanglan pang gamiton ang movement pass.

Gipahayag usab ni Mayor Ogena nga istrikto nga ipatuman nga pagsul-ob sa facemask, face shield sa mga pampubliko nga lugar ug ang mga molapas niini, makamulta ug P1,000.00 sa first offense, P5,000.00 sa 2nd offense ug pwede nga mapriso sulod sa usa ka bulan hangtud sa lima ka bulan base sa ordinanysa sa syudad.

Samtang magpabilin sa gihapon ang odd-even scheme sa byahe sa mga tricycle sa syudad ug alas10:00 sa gabie taman sa alas 4:00 sa buntag ang curfew hour sa mga non-workers.

Facebook Comments