Korte Suprema, naghahanap na ng ibang brand ng bakuna para sa mga tauhan ng hudikatura

Ikinukunsidera na ng Korte Suprema ang pagbili ng ibang brand ng bakuna laban sa COVID-19.

Kinumpirma ni Supreme Court Spokesman Atty. Brian Hosaka kasunod ng abiso ni Vaccine Czar Secretary Carlito Galvez Jr., na hindi available ang AstraZeneca na unang planong bilhin ng Kataas-taasang Hukuman

Umaasa aniya ang Korte Suprema na sa lalong madaling panahon ay makabibili na sila ng bakuna laban sa COVID-19 lalo na’t mahalaga ang papel na ginagampanan ng korte sa panahon ng krisis.


Aniya, ang mga hukom at court personnel ay madalas nakakasalamuha ng publiko araw-araw kaya’t nais ng Punong Mahistrado na protektado ang mga tauhan ng hudikatura.

Facebook Comments