General Santos City— Gibana-banaang mukabat sa 50 porsyento ang gi-ubos sa krimen sa rehiyon gumikan Oplan Mapayapa nga unang gipatuman sulod sa pito kaadlaw.
Sumala kang Police Chief Superintendent Marcelo Morales, Regional Director sa Police Regional Office 12 nga lakip sa mga mi-ubos mao gyud ang index crime. Pamahayag niya nga dakong porsyento ang pag-ubos sa kaso sa murder, theft ingon man roberry.
Dugang pamahayag ni Director Morales nga human ang moang programa wala na silay nadawat nga mga reklamo batok children in conflict with the law kon CICL. Busa alang niya, epektibo matud pa ng maong kampanya aron nga mahipos ang mga batang latagaw panahon sa kagab-ihon.
Sa karon matud pa, pipila nalang nga mga kabataan ang ilahang ma-rescue panahon sa curfew hours pasabot nga adunay pagpakabana ang kumyunidad sa kampanya sa kapulisan.
Kalabot niini, gibutyag ni Director Morales nga tibuok tuig nilang ipatuman Oplan Mapayapa sa rehiyon kung asa una kining gihimo sa dakbayan sa Gensan.
Sunod semana matud pa nakatakdang pagahimuon ang send off ceremony sa syudad sa Koronadal alang sa oplan mapayapa bisan pa man nga nagsugod na ang maong operasyon.
Gikalipay man usab niini nga adunay positibong resulta sa uban pang dapit sa rehiyon ang oplan mapayapa bisan ug wala pay gihimong send off ceremony.
