Ksk runner migulang kampyon sa 5k kilometer run sa First Davao International Marathon

40

Ni:Alma R. Santiago
Migulang kampyon ang ksk runner nga si crislyn grace antecristo sa lima ka kilometrong kategorya sa lumba sa dagan sa Davao International Invitational Marathon nga gipahigayun sa Victoria plaza Davao City niadtong adlawng Sabado.

Ang nasangpit nga kumpetisyon gilangkuban kini ug kapin kun kulang kwatro sientos ka mga atletang mananagan alang na sa 5k kategorya.

Kahibaloan nga si Antecristo ang migula usab nga kampyon sa bag ohay pa lamang nga taguk invitational marathon nga gipahigayun sa ipil zamboanga sibugay.

Wala damha sa dose anyos nga atleta nga sa kadaghang misalmot siya ang migulang kampyon.

Si Antecristo ang opisyal nga nagdala sa team ksk diin sa programang kabantog sa kabataan sya nadiskubre ug napangitaan ug sponsor mga tigsuporta kaniya sa mga pinansyal nga panginahanglan sa tanan niyang pagasalmutang kumpetisyon.

Mapasalamatun ang amahan ug coach sa batang atleta sa RMN station dxdr tungud kay ang programang ksk nga gi angkoran sa magtutudlo ug miyembro sa kbp nga si teacher Alma Santiago ang nakahatag sa kahigayunan nga mahatagan ug break ang batang kampyon.

Mapasalamatun usab si coach Mariolito Wenceslao sa tibuok pwersa sa konseho sa barangay galas sa ayudang pinansyal ug sa mayor sa dakbayan sa dipolog hon. Dexter Uy sa gamayng ayudang pinansyal nga gihatag kang antecristo lakip sa major sponsor niini nga si madam Vertex Trio nga nakabase sa gawas sa nasud.

Facebook Comments