Kulto nga manoktok fake news sumala pa sa PNP

345

KULTO NGA MANOKTOK OG BALAY SA MISAMIS OCCIDENTAL WALAY BASIHANAN
OZAMIZ CITY – Walay basihanan ang gikahadlokan sa mga tawo nga manoktok og balay ang giilang kulto sa Misamis Occidental.
Gipahayag ni Police Regional Office 10 PCAPT Francisco Sabud Jr nga fake news kini nga nag circulate lamang sa social media nga nakahatag og kahadlok sa mga tawo.
Gani walay bisan usa nga nagpa blotter niini sa mga kwerpo sa kapolisa sa Misamis Occidental.
Gikompermar usab nila ni Ozamiz City Chief of Police Major Peter Rhyan Revillas nga ang maong insidente walay kamatuoran ug kahimoan lamang sa mga anaa sa social media .
Susamang pahayag usab sa Oroquieta City Police pinaagi kang PMAj Melfin Ian Burlat ang Chief of Police ug ni Panaon Municipal Police Station Chief PCapt, Mohhamad Ridhwan Ombawa.
Gani gumikan sa kahadlok sa mga tawo nakatigaw kini sa lungsod. Giklaro usab sa Buhatan ni PCol Rolindo Suguilon ang PNP Provincial Director sa Misamis Occidental nga walay kamatuoran ang gikahadlokang pagpanoktok sa gituohang kulto sa kabalayan sa Misamis Occidental.
Alayon niini nanawagansi Sabud ngadto sa mga blogger o kaha social media influencer nga unta dili mag post og ingon niini nga makahatag og sayop nga impormasyon sa mga tawo nga nakahatag og kahadlok.
Gitul-id usab ni Sabud ang pagduda sa uban nga kahimoan kini sa pipila mga sakop sa PNP . Sumala pa niya nga dili usab tinuod ang maong impormasyon.
Niadtong Sabado,( April 10 ) nahisgotan ang toktok kulto sa virtual briefer sa Philippine National Police.
Gipahayag ni PNP Spokesman PBGen.Ildebrandi Usana nga nagkalap sila og impormasyon aron sa pagpiho sa pagduda nga kahimoan kini sa pipila ka mga sakop sa kapolisan.
Giklaro ni Usana nga nag imbestiga ang ilang hanay aron maklaro ang kamatuoran sa nasangpit nga pagduda.
via Thata G. Roxas, MBC Ozamiz

Facebook Comments