Kumander sa BIFF misurender uban ang laing siyam ka miyembro

16

General Santos City— Misurender ngadto sa militar ang napulo ka mga miyembro sa teroristang Bangsamoro Islamic Freedom Fighters kon BIFF gikan sa paksyon ni Karialan.

Sumala kang Major General Cirilito Sobejana, Commanding Officer sa 6th Infantry Division nga ang mga misurender ang gilangkuban nilang Kumander Gani Saligan nga kumander sa 4th brigade sa 2nd division sa BIFF.

Kauban ang mga miyembro nga silang Rafael Asim, Korason Bantilan, Alex Datungan,Aladin Saligan, Longs Bantilan, Elemer Mangatong, Allan Saligan, Kenaw Maslamama ug Muhamedin Maslamama. Dala sa mga nasangpit ang ilahang armas nga m14, barret, kalibre 45 ug daghan ang uban.
Dugang pamahayag ni MGen. Sobejana nga base sa pamahayag ni Kumander Gani Saligan, adunay internal struggle sa ilahang grupo rason nga nakadesisyon silang musurender.

Samtang ilaha matud pang ginapanungkmutan na makabenipsiyo ang mga miyembro sa BIFF nga nagasurender sa E-CLIP sa gobyerno gumikan sa karon mga miyembro pa lang sa NPA ang ginahatagan sa maong programa.

Apan, nauna na matud pang gihatagan ug tag 10mil ka pesos sa mga opisyal sa provincial gpverment sa Maguindanao ang mga nahisgutan aron nga adunay magamit sa pagsugod ug pag-ong panginabuhi.

Sa karon matud pa ilaha ang ginasuta kung adunay mga standing warrant of arrest ang mga nasangpit ug ung aduna man ilahag sayron kung unsay proseso aron nga mapa-ubsan ang ilahang mga silot.

Facebook Comments