labaw sa Fisheries Program sa Development Agency sa nasud Amerika nakigpulong kang Governor Solon

8

Sarangani Province–Nahimong produktibo ang bag-uhay lang nga panagkita nila Sarangani Governor Steve Chiongbian Solon og ang team sa foreign aid and development assistance agency sa nasud Amerika nga mao ang USAID kon United States Agency for International Development partikularminte ang USAID Oceans and Fisheries Partnership naila sa tawag nga USAID Oceans gipangunahan mismo sa ilang labaw isip chief of party nga si Mr. John Parks.

Kini ang gikumpirma ni Ms. Gemma Moreno, ang provincial officer sa BFAR Sarangani. May programa ang USAID Oceans gamit ang hi-tech nga monitoring equipment. Pinaagi sa maong satellite gadget, paspas na unyang makasulod pang-export ngadto sa international market ang makuhang mga isda sa Sarangani Bay tungod sa electronic catch documentation traceability. Pinaagi usab sa maong himan, pwede ng mahibal-an sa pamilya sa mananagat kung adunay nasinatian nga laing panghitabo sa ilang kabanay nga tua sa lawod.

Malipayon pud nga gibalita sa BFAR Sarangani nga hapit na magamit ang mga community fish landing center nga anaa gipatukod sa Maasim, Alabel, Malapatan og Glan, tag-Tres Milyones ka pesos (P3M) ang matag fish landing center. Samtang, ang dise-otso (18) kabuok ice maker machine tag-One Milyon kapin ka pesos (P1M+) matag usa ang gina-proseso na usab karon sa pamunuan ni Governor Solon og sa BFAR-SAAD Program aron makapatindog nag mga ice plant ang kahugpungan sa mga mananagat sa mga munisipyo sa Sarangani Province, kabahin gihapon sa ilang livelihood program.

Facebook Comments