Labaw sa Kapulisan sa South Cotabato nagduda nga ISIS-sympathizer ang may kalambigitan sa paglabay ug granada sa Substation sa Tboli

General Santos City—gibutyag ni Police Colonel Joel Limson ang Provincial Director sa South Cotabato Police Provincial Office nga posibleng grupo sa lokal ISIS sa Polomolok ang ilang gilantaw karon nga maoy responsable nga milabay ug Granada sa sub-station sa T’boli PNP kung asa naigo ang left wing portion sa nasampit nga sub-station nga gikaguba sa bintana niini ingon man ang pagkaigo usab sa usa ka utility worker nga si Erwin piang.

Sumala pa ni Limson nga duna na silay person of interest sa maong panghitabo ug sumala pa niini nga sa wala pa nahitabo ang insidente dunay gipasakaan ang sub-station ug kasong 2 counts of rape batok sa usa ka person of interest nga midagan matud pa padulong sa area sa Polomolok ug gituohang dunay koneksyon sa Nilong group nga maoy naghatag ug suporta sa nailhan nga suspek kini basi usab sa witness nga nakakita.

Dugang asoy sa opisyal nga usa lamang ka harassment o kasuko ang motibo sa mga suspek sa paglabay ug Granada gumikan sa gipasang-at niini nga kaso sa usa ka suspek.


Gipaabot na lamang sa kapulisan ang resulta sa imbestigasyon sa eod aron hingpit na nilang mapasakaan ug tukmang kaso batok sa mga suspetsado. (Reynald Timario)

Facebook Comments