LABAW SA PRO12, AMINADONG MAY DROGA GIHAPONG NAGASULOD SA REHIYON

General Santos City–Aminado si Police Brig. Gen. Michael John Dubria, Regional Director sa Police Regional Office 12 nga aduna gihapo’y mga illegal nga droga nga nagasulod sa Rehiyon.

Apan kung basehan matud pa ang mga nakumpiska atol sa mga operasyon, dili na pareho kaniadto.

Pagpaklaro niya nga walay laboratoryo sa illegal nga droga sa rehiyon, pasabot nga gikan sa mga kasikbit nga lugar ang drogang nagasulod sa Rehiyon 12.


Pagpaklaro ni Gen. Dubria nga luyo pa man sa kampanya sa kapulisan batok illegal nga droga, daghan gihapon ang wala mahadlok ug nagpabiling lambigit niini ug usa kini sa iyahang mga gikatingad-an.

Hinuon nanganti ang opisyal nga dili nila lung-an ang mga personaheng responsable sa pagpayuhot ug illegal drugs.

Facebook Comments