LABAW SA WESTERN MINDANAO COMMAND, GITUBOY ISIP BAG-ONG LABAW SA PHIL. ARMY

General Santos City–Gituboy na isip Bag-ong Commanding General sa Philippine Army si Lt. Gen. Cirilito Sobejana nga labaw sa Western Mindanao Command human gibutang isip Chief Of Staff si Lt. General Gilbert Gapay.

Sumala ni Lt. Gen. Sobejana nga sa iyahang paglingkod isip labaw sa Phil. Army, iyahang tan-awon kung unsa pa ang mga angayang himuon aron mas mapalambo pa ang serbisyo nga mahatag sa militar.

Pag-angkon niya nga dili gyud paspasanay ang mga kabag-uhan nga pwedeng mahitabo sa han-ay sa militar, apan iyahang paningkamutan nga masegurong adunay igong kapasidad ang militar sa paghimo sa ilahang mga tahas.


Dugang pamahayag ni Lt. Gen. Sobejana nga pareho gihapon ang mamahimong approach nila sa kampanya batok terorismo. Apan sa karon, kinahanglan pa usab nilang i-review ang kapasidad sa mga sundalo ingon man sa mga himan.

Pag-angkon niya nga adunay kalahian ang iyahang bag-ong posisyon isip labaw sa Philippine Army sa iyahang kanhing trabaho isip labaw sa Western Mindanao Command.(LVR)

Facebook Comments