Labor sector ginkalipay ang daily wage increase

23

BACOLOD CITY – Ginkalipay sang labor sector ang 30 pesos nga wage increase nga gin-aprobahan sang Regional Tripartite Wages and Productivity Board ( RTWPB ).

Suno sa secretary general sang General Alliance of Workers Association, Wennie Sancho nga apesar nga gamay kag indi substantial ang increase sa gihapon makahatag ini sang alibyo sa mga mamumugon ilabi na sa nagasaka nga presyo sang mga nagapanguna nga balaklon.


Sa gin-aprobahan nga saka sa daily minimum wage, 30 pesos ang increase sa mga nagabaton sang 365 pesos kada adlaw sa commercial kag industrial sector nga naga-employ sang masobra napulo, buot silingon, ini sila ang magabaton na sang 395 daily minimum wage.

Samtang 15 pesos naman ang saka sa mga naga-employ sang manubo sa napulo kag nagabaton sang 295 daily wage buot silingon ini sila ang magabaton na sang 310 pesos a day.

Sa agricultural sector ( partikular ang “karga-tapas” ) 20 pesos ang saka, buot silingon halin sa 295 ini sila ang magabaton na sang 315 nga daily minimum wage.

Facebook Comments

From Advertisers