Labor sector supak sa ‘PUJ phase out’

42

Davao City – Dako og ikatabang sa pagkunhod sa tonelada nga carbon dioxide mugna sa mga sakyanan ug uban pa ang Transport Modernization Program sa nasudnong gobyerno.

Kung hingpit ma-implementar ang moderno nga transportasyon ug wala na sa kadalanan ang karaan nga mga Public Utility Jeepneys (PUJs) masulbad na unya ang ‘climate change’ sa kalibutan.

Ang ‘climate change’ maoy tinubdan sa grabe ka-init karon nga maoy hinungdan sa kusog nga bagyo ug linog, apan kana tanan pwede matuldukan pinaagi sa moderno nga transportasyon.

Lakip sulbaron sa Transport Modernization Program ang kaguot sa trapiko ug masalba pa ang ekonomiya gikan sa binilyon ka pesos nga pagkalugi.

Apan supak si Sentro Labor Organization Focal Person Joshua Mata nga mopatuman ang kagamhanan og phase out batok sa mga PUJ nga walay alternatibo ug livelihood program sa tanang mga maapektohan.

Aminado si Mata nga mas maayo unta kun mailisan og de kuryente ang mga depasayruan hulip sa mga PUJ, apan supak gihapon kini sa mao nga programa.

Mosuporta lang daw siya sa program sa gobyerno kung i-prayoridad ang pagtabang sa mga drivers ug mga operators aron dili sila makulban og kaldero sa panginabuhi.

Alang ni Mata, dili sakto nga ideklara sa hingpit nga iligal ang mga PUJ gumikan lang sa pagsupak sa balaod trapiko.

Imbes nga ideklara nga ilegal mas maayo pahamtangan og multa ang badlungon nga mga drivers subay sa kalapasan sa balaod trapiko aron dili sila mabawad-an og pangita.

Hangyo pa sa Focal Person sa kagamhanan mao nga dili pabug-atan ang mga drivers ug mga operators inay tabangan sila kun ipamugos gayod ang transport modernization sa atong nasud.

RadyoMaN Joel Viray

Facebook Comments