Davao City – Na-‘black-eye’ ang usa ka lalaki human kini gisumbag sa usa ka laborer natigayon alas-12:30 sa hapon didto sa Bankerohan Public Market, siyudad sa Davao.
Sa report gikan San Pedro PNP, naila ang biktima usa ka Generoso Miguel, 29 anyos, residente sa Lower Madapo Brgy. 8-A ning dakbayan samtang ang suspek giila nga si Leo Plaza, hingkod ang pangidaron, usa usab ka laborer, nagpuyo sa PAG-ASA Bankerohan Brgy. 5-A ning syudad.
Matud pa gibadlong ni Plaza si Miguel nga magsuot sa iyang uniporme apan wala sila nagkasinabtanay hinungdan nga iyang nadapatan ang naasoy.
Ang biktima igo nalang sa pagpadangop sa San Pedro PNP ug gi-adbaysan sa kapulisan nga magpatambal sa Southern Philippines Medical Center (SPMC) samtang ang kaso giduso na barangay level.
RadyoMaN Don Pulayao
