Lack of pol will vs branded meds

27

Davao City – Ang katalawan sa gobyerno sa pagpatuman sa Generics Act of 1988 ang nakitang hinungdan sa Davao City Multi-Sectoral Organization kung nganong daghan gihapon sa mga Pinoy dili makapalit sa medisina kun tambal nga gikinahanglan alang sa ilang mga balatian.

Gibatbat ni Focal Person Jess Pagaran nga kung gibutangan lamang og ngipon sa kagamhanan pinaagi sa Department of Health (DOH) ang implementasyon sa balaud nga nagmando sa mga pharmaceutical companies ug sa mga botika nga magbaligya og mas barato nga tambal, wala unta’y mga kabus mag-antos ug mamatay sa balatian.


Duha ka butang ang gisugyot karon ni Pagaran aron ang mga pharmaceutical companies ug mga botika muyukbo sa kamandoan sa gobyerno diha sa pagpatuman sa Generic Law: Una mao ang pag-regulate sa presyo sa mga nag-unang tambal ug ikaduha, kasohan ang mga pharmaceutical companies nga magmagahi ug pakyas sa pagsunod sa balaud.

Dugang ni Pagaran nga katungod sa katawhang Pilipino nga maka-access og mas ubos nga kantidad sa tambal diin madato man o mapobre, may katungod makaangkon og kahigayonan ma-maintain ang ilang maayong panglawas.

RadyoMan Joel Viray

Facebook Comments