Lahugay sa mga COP sa Sarangani Posible

27

Sarangani Province–Gilauman na sa Sarangani Police Provincial Office nga dunay mahitabong kabag-ohan sa mga station commander sa kapulisan sa probinsiya sa Sarangani.

Kini ang nahimong pamahayag ni Police Major Romeo Calamba ang bag-ong tigpamaba sa Sarangani Police Provincial Office human nahinabi sa RMN-Gensan news team. Matud niini nga dili na sila mahibulong pa kung dunay mapulihan nga mga station commander sa kapulisan sa maong probinsiya tungod normal lang kini sa han-ay sa kapulisan.


Kahibaloan nga duna nay bag-ong RD ang PRO-12 nga si General Michael John Dubria nga gikan pa sa kaulohan asa gipulihan niini si General Alfred Corpus tungod sa iyang promotion sa serbisyo nga kasamtangan gihimong labaw sa DIPO Western Mindanao Command.

Dugang pamahayag ni Major Calamba nga nagdepende kini sa bag-ong Regional Director sa PRO 12 kung duna bay mahitabong reshuffling sa mga station commander sa matag unit sa kapulisan sa Sarangani gumikan kay susihon pa niini ang mga performance sa ilang trabaho.

Apil na niini ang pagpili usab sa muhulip sa kanhing Provincial Director sa SPPO nga si Police Colonel Ephraim Gurat asa gibalhin sa bag-o niining posisyon sa Camp Crame.

Gitin-aw pa sa opisyal nga bisan dili pa nila kabisado si General Dubria apan maayo matud pa ang background niini sa pagpanerbisyo basi sa ilang nadawat nga impormasyon ug gi-awhag niini ang kapulisan sa Sarangani nga sundon lang unsay mando sa bag-ong RD sa pro 12 ingon mang ang bag-ong mabutang nga PD sa SPPO. (RV)

Facebook Comments