Nadakpan na sa mga otoridad ang gipangitang miyembro sa iladong Sugrol Drug Group diri sa probinsya sa Bukidnon atol sa operasyong gipahigayon sa mga otoridad adtong milabayng Huwebes didto sa Purok-5, Brgy. 9, Malaybalay City, Bukidnon.
Hiniusang drug buy-bust operation ang gilusad sa mga personahe sa Philippine Drug Enforcement Agency (PDEA)-10 ug sa Bukidnon Provincial Office inubanan sa Malaybalay City Police Station nga miresulta sa pagkasikop ni Jessua Lumacang Tulang, top priority drug personality ug miyembro sa iladong Sugrol Drug Group.
Nakompiska usab ang balor P10,200.00 nga drogang shabu sa naasoy nga operasyon. Mag-atubang sa paglapas sa RA 9165 kon mas giila nga Comprehensive Dangerous Drugs Act of 2002 ang dinakpang suspetsado.
