Laing suspek sa Silawan murder niangkon nga nigamit ug drugas

Giangkon sa laing suspek sa pagpatay ni Christine Lee Silawan nga nakagamit kini ug ilegal nga drugas dihang nahimo niya ang krimen .

Ang 42 anyos nga suspek nga si Renato Bayuban Llenes nisaysay nga nigamit siya ug dummy account sa facebook aron madani si Silawan ug diha sila nagkasood ug labing unang higayon nga sila nagkakita niadtong Marso 10 nga mao usab ang petsa nga gipatay niya ang biktima .

Matud ni Llenes nagkasabot sila nga makita sa Sacred Heart Parish niadtong Marso 10 apan natingala na lang si Christine nga lahi kini sa iyang naila-ila nga CJ Diaz sa social media nga batan-on pa ug lahi usab ang itsura .


Gunting maoy gigamit ni LLenes sa pagpatay ni Silawan ingon man sa paglaplap sa nawong niini aron dili dayon mailhan .

Giangkon usab ni Llenes nga gihagad niya si Silawan nga makighilawas kaniya apan wa kini misugot ug iyang gikasagmuyo nga gitug-anan siya niini nga dili na siya “virgin.”

Matud ni Llenes nga nakonsensiya sa iyang gibuhat , lakip na sa pagkasikop sa usa ka 17 anyos nga suspek bisan ug inosente kini sa krimen .

Si Llenes gipresentar ni PNP Chief Police General Albayalde sa Police Regional Office sa Cebu City.

Facebook Comments