Gibuhian na ang laing walo ka bihag sa New Peoples Army kon NPA sa Purok 9, Sitio Hagunakan, Barangay San Juan, Bayugan City, Agusan del Sur mga alas 2:25 sa hapon.
Mahinumduman nga unang gibuhian ang unom ka bihag niadtong Pebrero 14 sa Barangay San Juan, Bayugan City, Agusan del Sur ug niadtong Pebrero 18, gibuhian usab sa NPA ang laing duha ka bihag sa Barangay San Antonio, Agusan del Norte ug gidala ang maong mga bihag sa New Tubigan Patrol base sa Sibagat, Agusan del Sur.
Hatagan una sa panahon ang maong mga bihag aron makauban ang ilang tagsa-tagsa ka mga pamilya ug ipaubos sa medical ug psychological treatment aron masiguro ang ilang panglawas ug pangisip.
Gibutyag ni BGen. Franco Nemesio M. Gacal, Commander sa 4th ID, Philippine Army nga ang ilang terroristic act ug demands ang dili makatabang sa kalinaw ug kalamboan ug gisiguro niining ilang ipadayon ang paglakag sa mga NPA aron mahunong ang isyu ug kagubot sa mga conflict areas nga ubos sa 4th ID.
