Lalake gipatay sa nakamotor

Davao City – Usa ka bala ang mihuman sa kinabuhi sa usa ka Roger Catajosan, 25 anyos, dunay kapuyo, ug residente sa Orchids Street, Barangay Buhangin ning siyudad.

Subay sa imbestigasyon sa Buhangin PNP, gipusil sa wala mailhing sa suspek biktima sa likod nga bahin samtang nagdula og hantak sa Santa Teresita, Cabantian pasado alas-11:00 Dominggo sa gabii.

Human sa krimen, yano ra milakaw paingon sa C.P. Garcia Highway ang suspek dayon sa motorsiklo nga dunay color nga pula ug puti ug nagpaturatoy paingon sa Laverna Hills, Buhangin.


Nasayran sa dugang imbestigasyon nga ang biktima maoy suspek sa pagluba-patay sa usa ka Ruel Estrada niadtong buwan sa Agosto 2012.

Teyorya sa kapulisan, personal nga bangi ang motibo sa krimen samtang ang suspek padayon pang ginaila sa mga otoridad.

Sa nasangpit nga panghitabo, usa ka Noel Bellaza, 48 anyos, ang naigo sa liog human milapos ang bala gikan sa namatay busa dali kini gidala sa Southern Philippines Medical Center (SPMC).

RadyoMaN Joel Viray

Facebook Comments