Lalake nasikop sa drug buy-bust operation

Malampusong nasikop sa mga kapulisan ang usa ka lalaki nga suspetsado sa pagpayuhot sa illegal nga droga atol sa gipahigayong Anti-illegal drug buy-bust operation adtong milabayng lunes didto sa Purok-6, Brgy. Casisang, Malaybalay City, Bukidnon.

Gipangunahan sa mga personahe sa Malaybalay City Police Station ang maong operasyon nga miresulta sa pagkasikop sa suspetsado nga giilang si Junod Malikol, 44 anyos, minyo ug mulopyo sa Barangay Bualan, Pikit, North Cotabato.

Narekober sa maong operasyon ang duha ka plastic transparent heat sealed sachet nga mikontinar ug drogang shabu nga mukabat sa kapin P14,000 uban sa usa ka black nga sling bag ug usa ka unit sa Bajaj nga motorsiklo.


Gidala na sa Malaybalay City Police Station ang mga nakompiskang ebidensya ug ang nadakpang suspetsado nga gilayong ipaga-turn over sa PNP Provincial Crime Laboratory Office alang sa tokmang disposasyon.

Facebook Comments