Detinado karon sa Police Station 2, Cogon ang 67 anyos nga lalake human kini gisumbong sa iyang kaipon nga nanagpa ug nanion og kutsilyo.
Human mireklamo sa ilang buhatan ang usa ka Jocelyn Ople Nisperos, 41 anyos, daling miresponde ang personahe sa Police Station 2, Cogon nga giunhan ni PO3 Constancio Torrejas, CAPPD Personnel.
Didto nasapon sa ilang pinuy-anan si Judito Baltazar nga taga Barangay 35 ning siyudad kinsa ubos sa ilimnong makahubog ug misulay pa pagsukol sa mga polis.
Matud sa biktima nga gihulga kini sa iyang kaipon pinaagi sa pagtion og kutsilyo hinungdan nga gibati kini’g kahadlok ug kabalaka.
Insidente nahitabo alas 8:45 sa gabie niadtong Sabado, Pebrero 23 sa Barangay 35 ning siyudad samtang suspek karon ang gi-refer na sa WCPD alang sa tukmang disposasyon.
