Lalakeng nangulata og babae nakapyansa na

174

Davao City- Nakapyansa ang lalaking nangulata sa iyang kauban sa trabaho diin nakulong kini sa Sasa PNP kaniadtong miaging adlaw human gireklamo sa gikulata niini.

Kini ang gikumpirma ni Davao City Police Office kun DCPO spokesperson Police Senior Inspector Maria Teresita Gaspan sa gipahigayong AFP-PNP press conference kaganina diin nakapyansa kagahapon sa hapon ang nangulata nga si Ryan Ma kinsa nailang drayber sa gitrabahuan nila nga oil company kauban ang iyang gikulata nga si Alyas May2x.

“Yes, he avail the right to bail,” sigun ni Gaspan.


Matud pa, gitugtan sa korte ang suspek nga makabayad og 2,000 pesos aron temporaryo kining makagawas sa prisohan.

Dugang ni Gaspan, og mugawas ang warrant ni Ma, arestuhon kini sa mga otoridad ug depende na sa piskal kung ipataas sa serious physical injury ang maong kaso.

Samtang si Alyas2x May, sumala ni Gaspan nga gikustodiya na karon kun under supervision sa City Social Services and Development Office kun CSSDO diin posibleng dunay threat karon sa biktima.



Kahinumduman nga nag viral ang post ni Alyas May2x sa facebook kaniadtong adlawng Domingo diin asa nakuhaan og video ang maong pagpangulata ni Ryan Ma sa iyaha.

RadyoMaN Renz Barbarona


Facebook Comments