Davao City – Nadakpan sa kapolisan sa Sta. Ana ang usa ka lalaki human nakuhaan og pinaugang dahon sa marijuana nga mukantidad og P500.00 human gikasa ang buy bust operation alas 9:05 kagabie didto sa Roxas Ave.Corner Quezon Boulevard Barangay 33-D syudad sa Davao.
Subay sa report gikan sa Sta Ana PNP ang dinakpan naila sa pangalan Jomare Jinggoy Paladon, 18 anyos, ulitawo residente sa AR Village, Brgy. Talomo ning syudad.
Matud pa positibong napalitan ang suspek og usa ka self sealing pouch nga dunay sulod nga marijuana kambiyo ang 100.00 pesos hinungdan sa pagka-aresto niini.
Narekober sa kapolisan ang laing pang tulo ka transparent self sealing pouch nga dunay sulod pinaugang dahon sa marijuana ug mga drug paraphernalia.
Ang dinakpan mag atubang og kasong kalapasan sa Akta Republika 9165 kon Comprehensive Dangerous Drugs Act of 2002.
RadyoMan Don Pulayao
