TOBOSO, NEGROS OCCIDENTAL – Patay man ang isa ka lalaki matapos ini gintiro sang suspek kahapon sang hapon sa banwa sang Toboso.
Nakilala ang biktima nga si Egan Carbajosa, 52 anyos ang edad, kasado kag pumuluyo sang Brgy. Bandila proper, banwa sang Toboso, samtang wala naman makilala ang duha ka mga suspek.
Suno sa imbestigasyon ang insidente natabo mga las 3 kahapon sang hapon sa amo nga lugar kon diin ang biktima ang nagapungko sa gwa sang isa ka tiyangge upod ang iya mga kaabyanan.
Pahayag sang mga naka kita may duha ka mga lalaki nga nagpalapit sa ginahamtangan sang biktima kag hinali na lamang ini nga gintiro sang makapila ka beses.
Naigo sa iya ulo kag iban nga bahin sang iya lawas si Carbajosa nga amo naman ang gintunaan sang iya kamatayon.
Narecover sa scene of the crime ang basiya nga bala sang kalibre .45 nga gin-gamit sang mga suspek nga ginlayon nagpalagyo.
Sa karon padayon ang pursuit operation nga ginapatigayon sang Toboso Municipal Police Station./dyHB BACOLOD
