Davao City – Dead on arrival ang usa ka 42 anyos human naka-angkon kini og tulo ka mga dinunggaban sa likod ug duha ka dinunggaban sa atubangan.
Sa record sa Talomo PNP nga sa dihang nagronda ang kapulisan bandang alas 3:45 sa kadlawon niadtong adlawng Sabado, nakadawat sila og report nga dunay tawo nga nagbuy-od sa may dalang Diversion partikularminte duol sa may exit sa Orange Groove.
Giila ang maong lalaki nga si Arnold Pana Agapay, 42 anyos ug taga prk. Crisostomo Kalumpang vill. siyudad sa General Santos.
Sa pagresponde sa kapulisan, nakit-an nila nga nagkadugo na ang maong tawo ug dali silang nagpakitabang sa central 911.
Gisulayan pa og dala sa Southern Philippines Medical Center (SPMC) apan nadeklara kining dead on arrival.
Padayon pang ginaimbestigahan sa kapulisan ang maong insidente.
RadyoMaN Paul Canono
