Lalaki giluba sa iyang live-in partner.

Gutalac, ZDN-Posible nga karong adlawa mapasaka na ang kaso ngadto sa piskalya batok sa live in partner sa biktima kinsa miluba kang Socrates Cadungog Redondo didto sa may Brgy. San Roque, lungsod sa Gutalac, ZDN, niadtong adlawng lunes.

Ang biktima lumad kini nga taga Brgy. Osukan, Plaridel Mis. Occ. ug temporaryo kining nanimuyo sa Brgy. San Roque.

Ang miluba sa biktima mismo ang iyang live-in partner nga si Gina Aliga Howa, 29 anyos, lumolopyo sa nahisgutan nga brgy.


Base sa resulta sa imbistigasyon sa kapulisan sa Gutalac, kining biktima u gang person of interest nag uban na kini sila halos usa ka tuig, matod pa nga kini si Gina, nagkaon niadtong higayona alang sa panihapon sa dihang kalit lang miabot si Socrates nga lango sa ilimnon nga makahubog.

Samtang nagpadayon ug kaon kini Gina, nasuko ang biktima ug gisipa sa tiyan nga iyang live-in partner. Tungod sa kahadlok ni Gina dali kining miadto sa kusina dayong kuha sa kutsilyo ug gilayong giluba si Socrates maayong pagka igo sa dughan niini.

Hinuon boluntaryo nga mitahan sa kapulisan ang person of interest tungod kay wala niya tuyoa ang maong panghitabo.

Sa pagkakaron, padayon nga nagpaalim sa samad nilubaan ang biktima sa balay tambalan samtang ang live-in partner tingkagol sa prisohan.

Facebook Comments