Dead on the spot ang isa ka lalaki matapos binungguan sang truck nga nagakarga sang mga manok pasado alas 8 sini lamang nga gab-i sa Barangay Punong Grande, DueƱas, Iloilo.
Ginkilala ang biktima nga si Rommel Palencia, 23 anyos ang edad samtang ang driver sang truck ginkilala kay Edmundo Cuevas, sang Vista Alegre, Binalbagan, Negros Occidental.
Ginpahayag ni Police Sr. Inspector Rowena Jovero, hepe sang DueƱas PNP nga nagapapuli na ang biktima halin sa birthday party sang magtabuk ini sa highway kon sa diin madasig nga nagadalagan ang truck.
Suno sa report nga gintinguhaan pa sang driver nga likawan ang biktima apang nalab-ot gid ini kag nalasak sang ruweda ang ulo sini nga gintunaan sang gilayon sini nga kamatayon.
Sa karon, yara na sa paghinakop sang DueƱas PNP si Cuevas matapos nagsurrender ini sa Passi City PNP kasunod sang insidente.
