Roxas City, Capiz- Pilason ang 28- anyos nga lalaki matapos nga ginbuno gamit ang ice pick alas 8:35 sang gab-i samtang nagatindog sa tiyangge sa Sitio Sakop, Brgy. Culasi, Roxas City.
Ginkilala ang biktima kay Ronel Basas nga nag-angkon snag pilas sa nawala nga kilid kag natuo nga kamot.
Nahibaluan nga nagatindog gid lamang sa lugar ang amo nga biktima sang ini ang ginpalapitan sang suspek nga ginkilala kay Landino Tacud Jr., 48-anyos nga nagpanaog halin sa ginasakyan nga traysikol.
Boluntaryo naman nga nagsurrender sa mga Barangay Officials ang amo nga suspek.
Nahibaluan nga may yara na sang indi paghangpanay sa tunga sang suspek kag biktima antes natabo ang insidente.
Narekober naman sang mga kapulisan ang ice pick nga gingamit sini sa krimen.
