Lalaki, ginbuno han iya kalugaringon nga bugto, patay

TACLOBAN CITY – Patay an usa nga lalaki matapos bun-on han iya kalugaringon nga bugto ha Brgy. Talisay, Laoang Northern Samar, alas 5:30 han kulop, kasangkulop.

Basi ha report tikang ha Police Regional Office 8, ginkilala an biktima nga hi Jerry Premicias, may asawa, usa nga parag-uma. Ginkilala naman liwat an suspek nga iya bugto nga hi Bembem Premicias, may asawa, usa nga tricycle driver ngan pareho nga residente ha Brgy Cabulaloan, Laoang, Northern Samar.

Ha nagawas nga inisyal nga imbistigasyon han mga otoridad, personal han away han magbugto nga umabot ha panmuno.


Arestado naman dayon an suspek ngan paslak na ha pagka-yana ha Laoang Municipal Police Station.

Facebook Comments