Halos mautod ang abaga sang lalaki sa banwa sang sara nga ginlabo tubtob mapatay.
Ginkilala ang biktima kay Edwin Aresgar, 25 anyos sang sitio Capinayan,Brgy. Malipaya, Sara, Iloilo.
Suno sa imbestigasyon ni Police. Senior master Sergeant Arnie Abian sang Sara PNP, nakaagum si aresgar sang pilas sa tuo nga li-og, tuo nga abaga kag sa tuo niya nga tiyan tuga sang pagkalabo.
Ulihi nga nakita ang biktima nga naga-inom sa tyangge kag suno kay Abian posible nga ginbantayan si Aresgar sa iya pagpauli sang indi magnubo sa duha ka suspek.
Dugang pa ni Abian nga daw kasubong nga tuman ang kaakig sang suspek kay Aresgar .
Padayon pa ang imbistigasyon sang Sara PNP may kaangtanan sa insidente.
Facebook Comments
