Lalaki ginpulihan kastigo kagab-i

BACOLOD CITY – Isa ka lalaki ang ginpulihan kastigo sang tatlo ka mga mag-utod kagab-i sa Brgy. Pahanocoy, ciudad sang Bacolod.

Nakilala ang biktima nga si Alberto Morales, 49 anyos ang edad, pumuluyo sang Purok Sta. Antonia, Brgy. Pahanocoy, Bacolod City.

Suno sa biktima nga may mga las 7 kagab-i, samtang ini sya ang yara sa bangga sang ila lugar, nasugata niya ang mga mag-utod kag nakibot na lamang ini sang hinali siya nga ginkastigo.


Nag-angkon sang pilas sa iya ulo kag wala nga paa ang biktima gani ini ang gindala sa Corazon Locsin Montelibano Memorial Regional Hospital.

Nahibaluan nga ang biktima kag ang tatlo ka mag-utod nga suspek ang may daan na nga away nga posible amo ang rason kon ngaa ini ang ginkastigo./dyHB BACOLOD

Facebook Comments